انا يا بو راشد ضاق في الوسيع ولاج=بوسط الحشا همٍ يناجيه ويلجٌه
وعيني شكت جفا المخدات والديباج=وحفي القدم من كثر سجٌه على دجٌه
سبب جادلٍ نهجت له بالهوا منهاج=توحٌهت له لو كان ماهوب لي وجٌه
دخلت بهواه ولا بعد مدخلي مخراج=اساير اطيوفه والهواجيس والسجٌه
جميلٍ جماله مارسمه بقلم مكياج=طعني برمحٍ غاص في قلبي وخجٌه
وانا وين ابلقا عقب فرقا الوليف اعلاج=وانا كيف ابدمح زلةٍ مالها حجٌه
لك الله غيره ما وطا ارض الخفوق وداج=ولاغيره اللي هج بيبانه وهجٌه
ليا من طيفه مر قشر العيون وراج=اغيٌب ولو كثرت حواليني اللجٌه
له بمنزلٍ بين المجرات والابراج=صفا الجو.. والا عكرت جوٌه العجٌه
فداه الخفوق وعرقه وضلعه المنعاج=وفدته الكبود اللي من الغيظ منطجٌه
لو انه يا بو راشد سمع هرجة الهراج=غلاه ايتزايد والعهد ما اقدر الزجٌه
ولو ان الطواري عقب فرقاه ما يحتاج=انا لي يمين.. وما خفا ما اقدر ابجٌه
فـيالله يا رب لك اتلبي الحجاج=خفوقٍ طبع في قاع بحر الهوا.. نجٌه