طال الظـلال وغنّـت الورقائـي=وازداد سوء الخاطـر المستائـي
واقفـى نهـارٍ ودعتنـي شمسـه=وبدت مـواري الليلـه السودائـي
يالله دخيلـك يـا الـهٍ ذكــرك=ما غـاب بالسـراء والضرائـي
ادعوك وانت ادرى وغيرك يجهل=خفى العلوم ومـا ورى العوجائـي
يا مرسـلا خيـر البريـا احمـد=رسـول لابـنـا ادم وحـوّائـي
يا مِنزلا ذِكـرٍ عصمـت حروفـه=عـن زلّـة التفسيـر والاملائـي
يا مدبّـر الافـلاك يـا محصيهـا=يا ذو الصفات الجـل والأسمائـي
ادعوك واسترجي عطـاك بوقـتٍ=يغبط خمـول امواتـه الاحيائـي
تالـي نهـار.. موافـقٍ نسنـاسٍ=بارد.. ونوح الـورق بالارجائـي
في صحصحٍ ما فيه يمنـىً تومـي=عن زحمة الناس وغثاهـا نائـي
وعدّيت في رجـمٍ منيـفٍ نايـف=واخذت اقلّـب رؤيتـي وارائـي
رايٍِ معي والراي الاخـر ضـدي=حتى بلشت وتهـت فـي اهوائـي
فيـا سامـعٍ در المثايـل انصـت=واخذ العضه.. واتعب على العليائي
الطيـب كايـد والمواقـف تبغـى=رجلٍ يثور ان ثـارت الهيجائـي
والعقـل نعمـه والصبـر مفتـاحٍ=بابه فرج.. ووصولـه استثنائـي
والوقت يمضي والسنيـن تطـوى=والعمر درب الحفـره الضلمائـي
اغنم زمانـك واغتنـم لحضاتـه=قبل اِن يصيبك سهمها العشوائـي
مـن لا رفـع نفسـه ولا قدرهـا=يموت مـا تذكـر لـه الحسنائـي
والطيب لـو انّـه لرجـلٍ واحـد=قد فـاز فيـه الحاتمـيّ الطائـي
ما احدٍ ضمن دنيا العنا لو تصفـي=والرزق يعطيه الولي مَـن شائـي
هذا وانا مبـارك وربعـي ربعـي=لإلتحمـت الصفـراء بالصفرائـي
ابنا عطا سقم العـدا عـز اللـي=صكّت عليـه الساعـه السودائـي
قـومٍ تقالـيـد النّـعـاره فيـنـا=ورث ٍ مـن الاجـداد للابـائـي
والعرف والعهـد الأصيـل الأول=عطـا ً مـن الابـاء للأبنـائـي
وهكـذا الدنيـا تــدور وحـنـا=ستر الفـروع الجـادل العذرائـي
لعيونهـا نطعـن قلـوب اعادنـا=ولعيوننـا تزهـا بهـا الحنائـي
النا على كـف البسيطـه موطـا=وهاماتنا عَليَت علـى الجوزائـي
وتشهد لنا صم الرمـك والزرقـا=والشمس والذعـذاع والرمضائـي
من غير قاااصـر بالقبايـل كـلٍ=اِرضاه حق وحِق لـه بارضائـي
وهذا وحنّـا فـي زمـانٍ ولّـت=عنْه السنيـن الجِـرد والغبرائـي
تقـاربـت ساعـاتـه وخلتـنـا=نتباعد وكثـرت بـه الاخطائـي
وصرنا اِقراب اِبعـاد يالله ستـرك=واكبـر دليـل العالـم البنّـائـي
لو كح بأقصى الصين عودٍ طاعن=تلقى الخبر في موجـز الأنبائـي