ياسمو الزين يالخشف الحياوي=لد عينك لي لا تقسى عليه
لاتعلقني علي باب الرجاوي=وأسقني وبل المزون الموسميه
شفت فيك الدهر والسيل النحاوي=عزتيلي بين ذيك وبين ذيه
بين جمرك شفت براقن سناوي=يلتعج بالصبح وإلا بالعشيه
وفي عيونك عجبت النجم السماوي=ياصلاة الله وياسنة نبيه
والجدايل ذيل خيل وعود جاوي=والدلع لوله سمي تصبح سميه
وكل مايقطر من لسانك حكاوي=ماذكرت إلا العسل والجاذبيه
والبلا لاشفتك تجر الخطاوي=طحت منك وفيك يابحر المنيه
ياغرام الذيب جاك الذيب عاوي=قاطعن كل الدروب السرمديه
مير طعني لاتعزوى بالعزاوي=ثم نرجع للعلوم الأوليه
أنت غاوي وأتبعك بالدرب غاوي=والله أن ذنبي علي رقبتك خطيه