هاض الضمير وكل شاعر فمبداه=وغنيتها بلحونها سامريه
كلي فخر بموطني لاعدمناه=هذا الوطن ياحي ياحي حيه
وإللي ماغنى فالوطن لو سمعناه=ماله حلا لوجاب بالشعر ميه
نعزه ونغليه حنا فداياه=ولجل الوطن نارد حياض المنيه
مصيون ومكرم ومن لاذ بحماه=وتخيب هقوات العداء وحاسديه
أهيم في عشقه من أقصاه لا دناه=وفديت عاصمته ونجد العذيه
على الشريعه مسسيناً فمبناه=على كتاب الله وسنة نبيه
وحدنا أبو تركي معزي بشلفاه=وحدنا برجاله بكُوُر المطيه
ومن بعده عياله بنهجه وممشاه=وشعب متكاتف كلنا بالسويه
وفي عهد سلمان الحزم حي طرياه=له من قلوب الشعب حب وتحيه
ولي عهده من يسوي سواياه=عزاً وهمه قوه ومقدريه
تجمعتبه في طموحه ورؤياه=من قو باس وراس مافيه زيه
يالنادر إللي فارقاً في مزاياه=ياطويق ياجبال السراه وطميه
حوى السياسه والفراسه ولا تاه=وشخصية محمد لنا عالميه
له التحايا والشكر لاعدمناه=وفنجالاً أشقرله من الشاذليه