اشرقت شمس المحبه من مغيب=والحقيقه نورت بعد الظلام
المحبه من طرف واحد؟ نصيب=اقتناع الممتنع مالي ملام
لكن اللي يخدع بقولة حبيب=من تشوفه بالفعل غير الكلام
الخيانه جرحها ماله طبيب=لاتقول اللي اقوله اتهام
شفتك بعيني عليك الله حسيب=شفت تسليمك وشفت الاستلام
كان فيك الضن لايمكن يخيب=كنت عندي بالعلا قدر ومقام
لو دعيت الحب جيتك استجيب=كل مافيني يجيلك بالغرام
ياحسافه من بعد مأنت القريب=شوف حبك يندرج للانعدام
روح في دربٍ يودي مايجيب=قبل اعالج هالخيانه بأنتقام