فات الوعد وانت يا راع الوعد قد لك = تدز ليلة لقى العاشق وتبعدها
وانا اتغاضى لجل خاطرك واجحد لك = واقول من شان باكر لازم اجحدها
وامزح معك واستفزك واتودد لك = واذا انتهت السوالف قلت لك عدها
وان حان وقت اللقى .. تطلب امدد لك ؟ = يا منكسر لي عذر وشلون امددها
واصدر الصبر من عذرك واورد لك =اغلى قصايد عتب من قلب قاصدها
انا احتزم لك غلا وافي واجاهد لك = واغزي ديار الظنون السود واطردها
واقول بكره بعد ظلمك يجي عدلك = واثرك ليا غبت نار البعد توقدها
اهب يا نيتك وش كنت قاصدلك = ما غير بيض النوايا كنت قاصدها
واهب يا شلت(ن)ٍ دايم تردد لك = على فراق الولايف فاركه يدها
لكن طبك معي وابتقعد لك = واذوقك ضيم نكبات الغلا وأدها
بذوقك لين يالمجمول تفقد لك = هروج قلب(ن)ٍ مناها يوم توعدها
بالعيد عايدتلي .. ملزوم اعايد لك = خذها وذقها من القلب وتوسدها
رخصة غرامك قضت وأنسى اجدد لك = والله ونذر(ن) علي اني ما اجددها
فاات الوعد وانت يا راع الوعد قد لك = تفرك يدينك من الضيقه وتهبدها
[/quote]