هاك الصراحه لو ان الحق يجرح خاطرك يالعنيد=واسمع كلامن بقلبى مانطقته من ثلاثة شهور
وشفيك لاجيتلك ضايق ترجعنى بجرحن جديد=مدرى تحدك ظروفك للجفا ولا ذبحك الغرور
تعبت واحترت معك وصابنى هم وصداعن شديد=فى ذمتى يالغلا لو تعذر لي فلا أنت معذور
ياكثر ما أرسل مراسيل الغلا ياصاحبى بالبريد=وحضرتك تهمل مراسيل الغلا ماكن عندك شعور
والمشكله كل مازاد الجفا حبك بقلبى يزيد=أبنى لك قصور وانته حافرلي قبر وسط القبور
شف حالتى كل ماهب الهوى واهتز غصن الجريد=كنى غريقن ولا حوله بشر فى وسط سبع البحور
أقفيت من بعد ما علقتنى بالله وش تستفيد=اما تجينى وفا ولا تروح وناتج العلم نور
عزااه ياوقتى اللى راح معك اشواق وحب وقصيد=أنشهد انه صحيح الحال والدنيا تلف وتدور
مدرى عن اللى بقلبك لكن اقسم لك بعلمن اكيد=أن تغيرت والله عالمن باللى حوته الصدور
واليوم قلي اذا فرقاي عندك يالغلا يوم عيد=مع السلامه عسى عيدك سعيد وكل عمرك سرور