((يامل عينن من الهوجاس سهرانه=والموق عيا يهاب السهر ويعيفه))
أعوذ بالله من الشيطان وأعوانه= اللى تبعهم ردي الناس وضعيفه
الطيب في وقتنا ماينفع أحسانه=ومن يفعل الطيب قالو نفسه أرهيفه
أحدن عيونه لشوف الطيب شفقانه=وأحدن عيونه تشوف الطيب وكفيفه
وأحدن عماه الردى ويخون بأخوانه=وأحدن نواياه دايم بيض ونظيفه
وأحدن يغوص البحر ويجيب مرجانه=واحدن يغوص البحر من دون تعريفه
واحدن لعب فيه وسواسه وشيطانه=مرباعه الهم والوسواس تصيفه
والطيب سلعه ثمينه دوم ربحانه=وألا الردى سلعتن من دون تكليفه
واللى سعى للردى سلعته خسرانه=نفسه ضعيفه حدها الضيق وأكسيفه
والطيب لاتتركه لو الزمن خانه=لو كان بعض البشر تكره مواليفه
وأحرص على الخمس دين الله وأركانه=وخلك مع الحق دايم وأشهر بسيفه
وأحرص على اللي يعد الطيب عنوانه=وأسعى بطيبك ولو زادت تكاليفه
وختامها بأمر رب الكون سبحانه=يحمي عباده من الوقت وتصاريفه
[/quote]