كل ماذعذع الغربـي طرالـي زمـان=فيه ساعه جريحه من سيوف الرحيل
والهجوس المولع جاب ذاك المكـان=وارتسم قدم عيني والمشاعـر تخيـل
وأقبلت شمس ضيقي دون شاهد عيان=قيضها ماكشف سري وصبري مقيـل
قلت حسبي عليهـا والله المستعـان=كل ماضاق صدري قلت صبرٍ جميـل
في عيون المولع لو خفى الشوق بان=شاقني لاطرالي كـل طـرقٍ جزيـل
يجزع القلب من طاريه مثل الجبـان=عنتره من هوى عبلـه بحبـه ذليـل
قد يهون العمـر الا بوصلـه ثـوان=صاحبي ماعرفت ألقى لحبـه بديـل
والله أليذكر الفزعه اذا الوقـت شـان=لاتعـزوى ونـادى مالقالـي مثيـل
مايهـل الدمـوع ومايهـز الكـيـان=غير قطع المواصل دون علم ودليـل
اشهد انه عزيز الدمع بالحـب هـان=لاغلبني خفيته عـن عيـون الهبيـل
من سهوم الطواري وين بـر الأمـان=حسبي الله على الفرقى ونعم الوكيـل
ماينومس خفوقي غير صـوت الأذان=لا تجرعت ليلي مـن طواريـه ويـل