كل ماهب نسناس الشعر شدني =صوت لحنه ووزنه والبحر والوقوف
وسدني عن كثير الهرج ماسدني =يوم أشوف القصايد والقصايد تشوف
العلوم الجزيله والجزل هدني =وهد حيلي وحيلي ماتهدة ضعوف
يامقدي الجزاله بالجزل قدني =هل هملولها والبرق وسط القنوف
وعدني من رجال العرف من عدني =وكل ساعي بمسعى الطيب دايم يطوف
عشني مرتين ومرةٍ غدني =وعدني في ليال الحرب ظمن الصفوف
والمواقف تبين والعلوم الدني =مالها في مجال الشعر شي معروف
من يحد السمينه بالبحر حدني =ومن يعيل الضعيفه مايسل السيوف
ولا بغيت الحقايق بالشعر بدني =وإسلم إسلم من اللجه ودق الدفوف
وللبحور الغزيره بالشعر ودني =كان يمديك يانسناس صب الحروف
ولدني في مجال الشعر مالدني =ولظروف الصعيبه يالنشاما ظروف
دام ربي عن إعلوم الردى ردني =العلوم الجزيله ماعليها حسوف