الصانع بين يديكم ...مجموعه من اشعار احمد الصانع

[دمعة مجروح]

السلام عليكم ورحمة الله وبركاته ....

كيفكم؟!

اشتقت لكم مــــــــــــــــــــــررره ..

بس مارديت وايدي فاضيه


هذي مجموعة من تجميعي لأشعار أحمد الصانع...




جديدهـ [ لعبتك ] هذي ..
رجُوعك , ليه أبي أفهم ؟!
ترى ما جيت فـي وقتِك / أنا مُو حاسِب حسابك

نسيتك أو تناسيتك .. ( دخيل اللـه ) لا تهتم
وأبشرك .. وجه أحزاني ضحك لي , وإنقفل بابك

وبسيطه جات مِن صالح حياتي .. طعنتك , للعلم
قريتـك وإستفد قلبي مِـن المضمون .. بكتابك

تَعَلَّم قلبي مِنْ إيدك علـى كِـل ما مضى [ يندم ]
زرعتِك شُوق .. أتحرى حضورك , وأثمر غيابك

تِحَمَّلتِك / ولكنـه .. جُبرنـي الجـرح : أتكلم
خيانـه شِفتهـا مِنِّك .. عِطِـرهَا , تارس ثيابك

[ بنيتِك ] حُب في قلبي وإنتَ .. حضرتِك .. تهدم
كرهتِك حيـل صدقنـي .. وكِل هـذا مِن أسبابك

تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك





(فرحتك بالعيد)

مثل ذيك السنه وأكثر أنادي والنِدى : ما يفيد
بـ قلبي شوق لو حسّيت به .. يقلب موازينك

أردّد " عيدك مبارك " عسى كل عام وإنت سعيد
وقلبي يرتجي وصلك . . . يا غالي ، وفاقدٍ زينك


حبيبي هالزمن يضحك ، على جرحي . وإنت بعيد . .
وجيت من الشتات أسأل بعد جرح الزمن . . وينك ؟

أنا ما جا على بالي غيابك إنت بـ التحديد ،
{ عنادك } . .
ليش ضيَّعني ؟
وقف ما بيني وبينك !

لك الله ، كل ما أضحك ألاحظ هـ الجروح تزيد !
تصدِّق [ ضحكتي ] صعبه علي , وسهله بـ إيدينك . .

أقول إن الأمل : باكر ,, يجي بكره ، بجرح جديد !
ورغم كل السنين اللي مضت لي . . { تكرم سنينك }


أنا ما جيت أبي منِّك , بعد جرحك . . تفك القيد :
أبيك تحس في ( قلبٍ ) . . رفض ينساك ويدينك !

إذا يرضيك تستقبل بدوني . فرحتك بـ [ العيد ] ؟
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !

إذا عادي الزمن يضحك على جرحي وإنت بعيد ؟
على هذا البرود اللي تعيشه . . .
( الله يعينك ) !



(لسعة ثلج)
في وسط قلبي سفينه وفي سما حُبك سدَم ،
تشتهي بحرك وتجري عكس شهوتها . . الرياح !

كن هذا الصبح بـ العتمه بليّاك ، إنردَم . .
يا صباح الخير من غيرك بلا ( خير ) الصباح !

أثر ثلج فراقنا يلسَع وشوقك ، ما خِدَم ،
توّي أفهم :
شنهو تعني [ لسعة الثلج ] . .
لـ ( فلاح ) !

لا تحارب . . ما أبيك تعض إبهامك [ نِدَم ] ،
جيت لك :
قصدي إنتـ فاهم ،
شوووف . .
ما أحمل سلاح !

الزعل : غلطة حبايب قلب من قلب إنصِدَم . .
والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :
ما يحس القلب في جرحك وهو كله جراح !


كان في وجهك بقى لك دمعتين ، وفيه دَم ؟
هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
أو أصد وأكتب عليها : ( أرض مافيها صلاح ) !


يا أعيش بـ وسط قلبك ونبني كل شي إنهِدَم . .
وإلا قدامك أموت وأوقف بـ وجه [ الرماح ] !

إعتبر نفسك معزّب . . و المشاعر لك : خَدَم ،
وإنت كيفك دام قلبي ( أرض منزوعة سلاح ) !


وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !
وإنت كيفك دام قلبي ( أرض منزوعة سلاح ) !




(قنبلة احساس)
قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ

مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ

وعيب راسي لا بغى شي " مستحيل "
يوصله مو طيب .. غصبٍ يوصلَهـ

ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

ما مسح دمعي غير الشماغ

مدخل:-
على طاري . هذاك الباب !
و جرح أقراب ......
و دمعة / طاحت / تسولف
من : الضيقة و : أشق ثياب
أنا ( ما أهاب )
و قلبك ما يهاب " الموت " مثلي ,
[ أجيك أحبـاااب ]تجي – واحد ! شَرَب فنجال قتلي
...... أصك الباب
تفتح باب !!
تبيني للـ جروح ,’, أحكي ,’,
عن جروحي . . . و عن . . . روحي
وأبكي !
{ ليه ما أبكي ؟! }
مدامك للـ دموع – أسباب !


>>>>>>>>>>>>>


:ما على " قلب " الرسول إلا / البلاغ
و إنت لك عندي ( رساله ) و كلمتين
قلبي المرسل ؟ .. محاك من الدماغ
طحت من عيني !
و طاحت دمعتين .

ما أطوّلها عليك , بْلا صياغ -
هي قصيره بس ! تجرح حبتين
: يوم قلبي ذاب في حبك , و زاغ ..
ليه قطَّعته بـ [ إيدك ] قطعتين ؟! :


ما مسح لي دمعتي غير .. الشماغ ! .
غلطتي ؟ / طيبي , و غدرك / غلطتين
بيت صغته . . . وبيت " لا يمكن " يصاغ
شي كتبته , وشي مكانه نقطتين (..)
قلبك أستخسر عليه اليوم ساغ ....
وعندي كلك
ما تساوي – بيزتين
آخر حروفي الصدر فيها بـ " آغ "
و إنتهى عجز الصدر فيها بـ ( تين )
إللي فيني الحين ؟ ما جا من فراغ
صدمه .. وحده .. تكفي / ما أبي صدمتين /
ما عليك من الرسول , إلا البلاغ ,
[ صعب تلدغني بجحرك : مرتين









مخرج
:

أزفر قليل / وأكثر الوقت أشهق ..!
ولـ كل قلب إنسان قُدره و طاقه
قلبي من أحزاني أشوفه توهق ..!
المشكله بـ إيدي [ نهيت العلاقه ].


(الغياب)
تدري وش سوَّى غيابك ؟!
مـوَّت غيابك سوالف ..!
ما يخوِّفني زماني
بس من فرقاك خايف ..!
فجأه أصحـى ومـا أشوفك ..!
لا تهددني ... ظروفك
إعتبرني .. حلم / واقع
وإلاَّ ظلٍ ما يطوفـك
ضاميٍ عطشان .. جيتك ,
لا يعشمني سرابك ..!
تسمح بكلمه ؟!
............ بغيتك :/
قبل لا تبدي غيابك ..!
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]




تدْري وشْ معْنى
غيابكْ
؟
يعْني :
أسْوَءْ شيْ شفْتَهْـ طولْ عمري !!
تبْدي ضحْكاتي هلابكْ
وفي وداعكْ
ما ينامْ الجَرحْ بدْري !
وإنتْ كيفكْ
شوفْ وشْ ناوي عليـه !
هاكْ قلبي وهاكْ سيفكْ
وسوْ فيني اللي تبيه !
لا تحاتيْ
صفّحْ بكيفكْ جروحي
وإشْطبْ آمالي و طموحي
وإعْتبرْ قلبي كتابكْ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تدري وشْ ح ط ّ م غيابكْ ؟
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني لا مراسي لا مواني
وصارتْ الدنيـا / قسى !!
وصار دوري ..
أعشق أنواعْ الأَرَقْ !
وألفظ أنفاسْ الغَرَقْ !
وصوت معناه الخَطَر !
وقلبْ ميّتْ / يحتضر !
منْ غيابكْ السلامه
فيها قلبي ما رسى !
لا صباحي هو صباحي !
ولا مسا قلبي / مسا !
يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
- صدق هو فعلاً نسى ؟
راح وأهداني الأسى !
وما وصلتْ إلا لـ حقيقهـ :
الجفـا أسْهَلْ طريقـه لـ/القسى..!


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


تدري لو ينطق غيابك ؟
بس أبسأل وين كنت ؟
ووين رحت بغيبتي ؟
وبسأله عن وضع قلبك !
هنت عنده أو ما هنت؟
ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !
إيه كل الناس عندي
بس مابيهـم بدونك ..!!
تدري يا عمري بأنك .,
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت علي الدنيا / خنت !

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح !
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون و صديق
ليه قلبك .. ما يبالي ..؟
وقلبي محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
عليك شلون ما أزعل ؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !
ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !
كيف أضحك ؟!
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..
ما قدر يترس عيوني ..
من بعد عينك عيون ! ليه مستغرب جنوني ؟
يا موصلني الجنون ..
شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !
وبـ/النهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



تدري وش " يقتل " غيابك ؟!
يقتل إحساسي و عمري !
وين رايح عن عيوني ؟
ليه ؟
تو الناس !
بدري !
إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!
وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !
من يحبك
......... وش مصيره ؟!
- " يحترق " قلبه أكيد !
تنهي أحلامه الكبيرهـ ..
وتبدي في حبٍ جديد !
ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !
صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]




تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !
إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !
إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!
دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "
مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!
فدوه لك جرحي و ضيقي ,,
المهم قلبك يحب
تدري وش موتي الـ حقيقي ؟!
[ من حياتي تنسحب ]


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تدري وش صحَّى " غيابك " ؟
جرح نايم من سنين !
ما ربحت
وما فرحت
جرحي فيني يستهين !
غيبتك كانت خسارهإ فهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !
وين أيَّامك يا " غايب " ؟
قلبي يسأل قول وين !!
يا بعد كل الحبايب ..
شوف وش سوّى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !


(كمل جميلك)
شي يخصك باقي عندي ،، " قلب " من غيرك وحيد .. !!

ما يبي يبقى معاي .. !! .. يا أجيلك أو يجيلك .. !!

يسألوني الناس عنِّك ،، وليه ما أكتب [ قصيد ] .. ؟؟

قول ،، لا تسكت ،، تكلَّم .. !!

وش أجاوبهم دخيلك .. ؟؟

إختلفنا .. !!

وماعرفنا شنهو الراي السديد .. ؟؟

يا تضحِّي في عنادك ،، أو ،، أضحِّي في سبيلك .. !!

ليه كل عيد إنتْـفارق .. ؟؟

صرت أكرَه كل عيد

وإنتْـ فارق ،، في [ غلاتك ] ،، وقلبي ما عنده مثيلك

المشاعر من غيابك يا دفا إحساسي ،، جليد

طحت من عيني لـ قلبي ،، وما قدرت إنِّي أشيلك

يشهد الله ،، من رحلت وفي حياتي ،، لا جديد .. !!

وكل ما ألمَح سرابك ،، أرتِبِك ،، الله وكيلك

حالتي صعبه بدونك ،، وكيف حالك يا بعيد .. ؟؟

أشتكي منِّك إليك ،، ومن جروحي ،، أشتكيلك

والله ما قصرَّت فيني بس ،، ودِّي لو تزيد .. !!

يعني " إذبحني " وكمِّل يا بعد قلبي جميلك .. !!

أدري غلطاتي كثيره ،، وفوق كل هذا عنيد .. !!

وش تسوِّي هذا حظِّك رغم زلاتي [ خليلك ]

أقتلك .. !!

لا من خطيت ويا عسى عمرك مديد

و أعذرك .. !!

لو كنت قاتل لأنه يستاهل قتيلك

ويلي منِّك لو نسيتك والزعل طبعاً " شديد "

ولو أحس لحظه بـ أنِّك منشغل عنِّي ،، يا ويلك .. !!

كل عاذل جاك بَعْدِي ،، وقالـ لك إنِّي " سعيد "

ما صِدَق .. !!

وين السعادهـ ،، والحزن شيَّد رحيلك .. !!

وكل عاذل قال عنِّي شي ،، إحساسه بليد

ما قدر ياخذ كثيرك ،، صار يطمح في قليلك .. !!

وكل عاذل إن عطيته وجهـ ،، ورَّاك المزيد

لو يقول إنَّهـ : يبيلك خير ،، والله ما يبيلك .. !!

جيتهم طيِّب وأدري ،، في زماني ما يفيد

وش حصيل الطيب فيهم .. ؟؟

ومن فراقي ،، وش حصيلك .. ؟؟

بترك الدنيا عشانك ،، دام هذا ما تريد

ويا عسى كلمة " عشانك " ،، تشفي يا روحي غليلك .. !!

الدليل إنِّي أحبك ،، صرت أحسِّك بـ [ الوريد ]

وأدري في قلبك يحبني دون ما أسمع دليلك .. !!

في عيونك صرت ( شاعر ) واصل القمَّه فريد

وصرت تسوى في عيوني كل بَني جنسك ،، وجيلك .. !!

مثل قلبك ما ألاقي ،، ومثلي ما تلقى أكيد

يعني ما عندك بديل ومستحيل ألقى بديلك .. !!

يا غزالٍ شُوف قلبي ،، ما يبي غيرك يصيد

ولا بغيتك ،، أدري وينك ،، أسمعك وأتبَع [ سبيلك ] .. !!

إجلس بـ عرش الفؤاد ولك أحاسيسي عبيد

وإعتبر حُبي نهارك ،، وقمرةٍ ،، تضوي في ليلك

ياللِّي شيَّعت المفارَق إشرَب وصالي و أزيد

خذ دفا إحساااسي و " إدفا " ،، كان بردك ،، هد حيلك .. !!

يا أجيلك .. !!

يا تجيني .. !!

هذا هو الحل الوحيد ،، وإنتَ قرِّر يا حبيبي

يا تجيني .. !!

يا أجيلك .. !!

(قصيده خالده)
أكْتبكْ منْ دونْ فكْرَهْ ودونْ موْعدْ أكْتبك
يا قصيده خالده في دفْتَرْ إحْساسي أبيك

ليهْ إذا شفتكْ حبيبي قلبي منّك يرتبك؟
يمْكنْ السبّهْ يا غالي إنّ قلبي يموتْ فيك

جيت منفي من بلاده وماله إلا بيتْ بك
لا تحسب إنه مخيّر بين هذي وبين ذيك

قلبي اللي منْ عرفتكْ صارْ جوفهْ مكتبك
وإنتْ شاعرْ ما يبالي بسْ تبي إلهامكْ يجيك

أدري مسْتغْربْ كلامي وكيفْ كلّي متْ بك
وشْ أسوّي دامْ قلبي في غيابكْ يحْتريك؟

أهْتويكْ ويمْكنْ إنّي منْ غلاتكْ همْتْ بك
همْتْ بكْ بالحيلْ والله لأنه قلْبي يهْتويك

الغَلا / لا منْ تنثّرْ في خفوقي / يشْتبك
بينْ حبْ وبينْ صدقْ وبينْ شخْصٍ مشْتريك

صيرْ مُهْملْ في غرامكْ / وخلّني آرتّبك
وإنْ هَمَلْتكْ صيرْ شاطرْ وشيلْ قلبي في إيديك

أدري محْتارْ بقصيدي ومثْلكْ أنا حرْتْ بك
إشْكني لنفْسكْ دقايقْ / وخلْ قافي يشتكيك

طيرْ فيني / لأني أوّلْ ما عرفْتكْ طرْتْ بك
إفتخرّ / ما دام قلبي عنده مالك أيّ شريك

صرْتْ كلْ الدنْيا عنْدي وأنا شنْهو صرْتْ بك؟
يا خيْ إفْهَمْ نْبضْ شاعرْ ماتْ يا باردْ عليك

(مرثيه)
ودي أموت اليوم ، و أعيش باكر ..
و أشوف منهو بعد موتي فقدني !!



و منهو حملني لين ذيك المقابر
و أشكر أنا كل من كرمني و دفنّي !!


و بأشوف يرثيني أنا كم شاعر ؟
و منهو تركني و ما كتب شي عنّي !!


شخصٍ تعنّى لي ، مع إنه مسافر ..
و شخصٍ قريبٍ ، و أنا ميّت طعنّي !!


و شخصٍ يمثّل دمعته ، ماهو قادر !
و شخصٍ تطيح دموعه كل ما ذكرني


و منهو من أهلي في العزا كان حاضر
و منهو دعى لي في صلاته و رحمني


و منهو بنى بإسمي سبيل و منابر
و منهو يفزّ قلبه إلا من لمحني


و منهو عشاني طول الأيام ساهر
و منهو ثلاث أيام راااااح و تركني !!


و منهو يرتّب غرفتي ، و الدفاتر
و إن شاف صورة لي ، مات و حضنّي


يالله عسى ما تغفى كل المشاعر
( و يالله عسى ما ينصدم يوم ظنّي )


خايف يروح العمر ، و أكون خاسر !
و إن طار طيري ما يفيد التمنّي


( و خايف يجيني وقت ، أكسر خواطر )
إن دارت الدنيا و زماني كسرني !


و مادام هذي الدنيا صارت مظاهر !!
و كل من على كيفه و جوّه يغنّي !!


صحيح مُسلم ، لكن الهمّ كافر !
كل ما بغيت أضحك يهدّدني حزني


الضيق وافي ، و الحزن حيل وافر
و الجرح أكثر شي شفته يحبني


عايش و ميّت بين ماضي و حاضر !
و الصبر مفتاح الفرج ، ضاع منّي


قل وش تبي و تتركني ياحزني ، آمِر
مسكين فرحي ، تصدّق إنه وحشني


شاعر و لكني ما نيب شاعر
ودّي أموت اليوم ، و أرتاح منّي !!
(الامور الي تفور لي دمي)
في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !



كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي ) !


(عني بصيره وايدي كانت صيره)

زعلان مني حبيبي والسبب : [ غِيره ] !!
عَلْمُوه عن حالتي . . إنْ كان مو داري

الحاله حاله . . . وشفت الموت من غيره
- أعيش كّني { غريبٍ في عُقر داري }

مرات .. أقول - المفارق : أحسن وخيره !
ومرات .. أكره فراقه ، والألمـ .. طاري

مفروض إنْ شفت شرّه .. ما أنْكره خيره
ومفروض إنْ شاف شرّي ، يذكِر أمطاري

{ الناس } غيري وغيره ، ما لهم سيره
يتابع الكل . . . . أخباره مع أخـباري

" جناح " قلبي - في إيده ، تم تكـسيره
و دعيت له في السلامه ويشهد الـباري

إحساسي ديره .. وهو إللي يَحْكُمْ الديره
( ولاء مطلق )
له :
شعوري و أشـعاري

وجهي . ليا من لمحته ، مـ أقْدر آآديرهسترت جرحي ،
ويقول القلب : أشش عاري !!

عيني بصيره و إيدي كانت : قصيره ،
أشوفه قدام عيني . . و الجفن ذاري !

يبقى حبيبي " حبيبي " رغم : تـقصيره
وأبقى حبيبه غصب عن عين أعـذاري

الجار له حق ، إذا هو وجّب : الجيره ،
وخل يذكر إنه حبيبي وأغلى من جاري

إنْ كان رايح مع [ العذال ] .. تفكيره :
بـ أروح جزر الكناري ، أكتب أفكاري


ابشرك طاح

دخول

:
:


ما مرتاح من ربعي ..
ولامرتاح !
نادوني ..
وركضت بـ ليل
إيد " الرسن " بيها ..
وإيدٍ بها " سلاح " ..
عثرَتْ مُهرتي ..!
و ..
" ربعي " قبل ماطيح
واحد قال للثاني :
" أبشرك " طاح
أبشرك " طاااح " ..!

لـ كاظم إسماعيل




[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



وأنا مثلك مع ربعي يا [ كاظم ].. حيل مو مرتاح ..!
كأنهم بيد عطشانه .. وكأني بينهم [ واحه ] !

خذا بعض الأسى بعضي وبعضي وين منِّي راح ؟!!
وقلبي قاتله حزنه ( سَ قَ ط ) .....
مقتوله أفراحه !!

أجيهم .. نيِّتي بيضا ويجُوني في شكل أشباح !
لأجل راحتهم أتعذَّب ..
عذابي عندهم راحه !!

تصدِّق ..؟
حيل متضايق ( خساراتي ) لهم " أرباح " ..!
ضحكت
وكانت الضحكه من الصدمات و [ السَّاحه ] ..!!

إذا ربعك مثل : ( غابه ) .....؟!
أنا ربعي مثل : [ مسباح ] ..
وأنا شخصٍ .. عجز يجْمَع ( نَثِر ) حبَّات مسباحه !

وإذا صارعت من أجل القرايب / قوَّة التمساح .....؟!
أنا حتَّى البعيد اللِّي يجيني / مااات تمساحه !!

زرعت الطيب في قلب " الحجر " وإستغرَب الفَّلاح ..
قفل حظي مع ( الفرحه ) .. ألاقي ويييين مفتاحه ؟!

تعب : لا كنت في ظلم السجون وضايع المفتاح !
معاك الحق لكن [ العدل ] .. ما فاد مصباحه !

عتب : لا صار يتبشَّر صديقك .. والألم صدَّاح
وعدوِّك كان في لحظة سقُوطك , تنزف جراحه !!

بحر ..
يا موج ..
يا شط الصداقه .. كنت لك ملاَّح
سفينه كان لك قلبي .. ولكن غدرك إجتاحه !

حرام : إن كان لي واحد وأناديه بـ إسم يا صاااح
مدامه " صاحبي " بإيده سقاني .. السِم بـ قْداحه !

سمعت إصياح من عين المراجل ...؟!
إي / سمعت / إصياح ..
و [ طير المرجله ] في هالزمن متهلهل جناحه !!

( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!

وفا شنهو الوفا ....؟!
[ شَمعٍ ] كثر ما يشعلونه ساح !!
ورمحٍ يصنعه وقتي ( وربعي ) حيل رمَّاحه !!

يجي واحد مُنى قلبه .. يشتت فيني [ الأفراح ] !!
وواحد ضاق لو يلمح عيوني .. تنام " مرتاحه " !!
و
واحد قال للثاني : من المُهرهـ

أبَشْرِك طاااااح

كأن بـ طيحتي يلقى السعاده ..
و طفرة أرباحه !!
(كتاب الغلا)
مات قلبك وآنا أبيك تكون ~ حي ،
من كتب فرقاك في الصفحه الأخيره ؟

قصتي المفروض تتركها [ علي ] !
مو على كيف الفراق يكون خيره !

كنت لك مثل الغريب و إنت لي :
الحياة / الناس / يعني كنت ديره !

صرت مثل إللي فقد له كل شي
ضاعت أحلامه عشان عيون غيره





[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


ماعرفتك ! وشفتك مثل : ريم الفلا ،
الكبر شين .. وإلا نور عيني ~ بخيل ؟

إي عرفتك ! حبيبي الأولي { يا هلا } ..
مرحبا فيك من بعد الغياب الطويل ،

فاتك الفوت ولما فات ، صوتك علا ..
لا تنادي المحبه { رجعتي } مستحيل !

ماتفيدك حلاتك .. ما يدوم [ الحلا ] ،
ليت روحك جميله دام وجهك جميل

قلت لك ياتحبْني حيل ~ وإلا - فلا
إللي مثلي ( أناني ) مايحب القليل

إنت هَمٍ { ثقيل } ومن حياتي إنجلا ،
صرت هَمْ بحياتك وأدري همّك ثقيل !

دايم اتقول ~ إنك ( غير كل الملا ) ..
وآنا قايلك إني شخص ماله : مثيل

الدليل : إنه قلبي ~ في غيابك سلا ،
يوم غيري عيونه من فراقك تسيل !

إنت غلطه بحياتي في [ كتاب الغلا ] :
مامحيتك ولكن .. منجبر ع الرحيل

لا هلا ترد { قلبي } لا ولا مسهلا
شفت قاتل بعمرك يرضى عنْه القتيل !

رحت عنك وباقي لي أثر و البلا :
أدري دورت مثلي وما لقيت البديل ..



[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]







ماطفت ناري .. من أعذارك ( أبد )
لا تحاول إني أرجع لك ~ وأهدي

فوق شينك / عينك تخون الوعد !
غلطتك في حقي لا يمكن تعدي

ماني ناقص جرح من إيدك بعد
كل شي .. يصير لي ما كان ودي

فيه غيري - وفيه غيرك : فـ البلد
مو معاي تكون يعني إنت ضدي

لو أعد جروحك أخطي بـ العدد
ولو تحس شوي ما بيّحت سدي

روح دور لك .. على غيري .. أحد
دربك إللي جابك لــ عندي يودي

{ خالد } { محمد } وناصرْك وسعد
عندهم قلبك .. مثل ~ ماكان عندي

ما إعجبك ردي ! ومن يزرع حصد
بذمتك ~ وش كنت ؟ تتوقّعْه ردي

منت قدي !! .. روح عني ~ وإبتعد
فكني من جرحك لأنك منت قدي

لا كبرت وشفت نفسك ( مستعد
للمشاكل ) إرجع / ونبدي التحدي




قومي نامي
قومي : نامي .
لي متى ! , تقري | كلامي ؟؟

ماتعبتي من " السهر " ؟!
يـ الله
قدامي

وإلا ( لأ )

ما أبي – قدامي !
أبيك { تتغطي } بـ جفني
و / بـ عيوني . . . تنامي

كل شي " فيني " , يهمك
أدري
ودّك ~ كل لحظه ~ آكون : يمّك :
يـ إللي | إسمك |
غير .. عن كل - الأسامي !

تاخذين ( القلب ) منّي ! و تاخذيني !
وإنتِ < فيني >
شلون لو ودّي / ألمك ؟؟
قومي نامي ......... .
إسمعيني ,
مايطوفك " شي " لا نمتي بـ :: عيني







من متى ؟ وعيوني [ عنّك ] .. صايمه
..................... من متى ؟ وإنتِ ( تبين ) و ~ ما تجيني !!

يا " حمامة بيت " فيني , حايمه
..................... أفقدك ... دايم ... وأدري ! - تفقديني

صرت أحس . . . ! إنك ( مشاعر دايمه )
..................... مهما غبتي بـ / المسافه ؟؟ : تسكنيني

لو تجين أجوائي ؟؟ صارت [ غايمه ]
..................... تجمعين << إحساسي فيك >> و ~ تمطريني

إحلمي بـ . . . الحُب . . . | طفله هايمه
..................... و إن صحيتي ؟؟ تسبّحي بـ ( دموع عيني )

موتي فيني .. دام عشتي ! : ضايمه
..................... وعيشي عمرك ... يا حياة ... القلب { فيني }

يـ الله نامي .... . لك ( عيوني ) عايمه
..................... إنعمت , عن [ شوف غيرك ] صدقيني !!

راح ’ أغَمّض ’ طول منتي – نايمه
..................... و " السهر " موضوع بين / العين و / بيني

يا { صباح الخير } و إنتِ :: قايمه ::
..................... هو صباحك ليه يفرق ؟؟ علميني ..!

يا بعد قلبي , و كل من لايمه ,
..................... تصبحين بـ - خير و أكثر " تعشقيني "









النوم | ميّت عليك | و ماخذا ~ ديّه .
و أحلامك ؟ , ليا " سهرتي " تكون ( ولهانه )

{ وجهك } مثل – عيد و البسمات – عيديّه
فديت ! نظرة " عيونك " و إنتِ / نعسانه

أقول ( عاديه ) . لكن منتي : عاديّه !!
ملآك , نازل عليّ في صورة , إنسانه

نامي , , , وتشوفين أحلى أحلام ’ ’ ’ ورديّه
النوم < سلطان > و إنتِ ؟ [ بنت سلطانه ]
مدخل :

بـ إسم ثاني تناديني تقول المخطي لسانك ،
حسافه .. كيف ما قدّر " لسانك " قلبي العاني ؟
تقول إنّه خطا منّك تذكّرت أكبر إخوانك !
وأنا إللي من كثر حُبي أنادي بـ إسمك إخواني !



خل نفترق تكفين .. و إحنا عزيزين
مدام قلبك صار ( قاسي و جاحد ) !

ماكنت لك [ واحد ] أساوي ملايين ؟
وشلون خنتيني على شان [ واحد ] !



الحين .. وش بعد الخيانه و بعدين ؟
شفتك معاه بعيني واللــه شاهد !

و مدام ( قلبك ) قادر يحب شخصين
ماهي غريبه .. لو تحبين { واااجد } !

تقولين لي : راشد ! بـ إسمي تغلطين
وتنادينه : أحمد ليه ؟ هو إسمه : راشد !



مثلك يشوف الحُب لعبه وتخمين ،
ومثلي يحب ، وعنده الحُب خالد !

إنتي الوحيده وسط قلبي ، وتدرين ..
ما فيه [ غيرك ] داخل القلب قاعد !

كتبت " أشعاري " لأنك : بـ تقرين ،
وإلا شعوري من هـ الأبيات زاهد !



يالله ، فمان اللــه ما أبي تردين
إنتي { خطايا } والخطا منّي - وارد

إنسانه حلوه صح .. بس ، ما تحسين !
وطبيعي [ قلبي ] من - جروحك . يباعد ..

صيري فـ مكاني وشوفي شنهو تسوين ؟
ياللي في قلبك [ شوق ] الأحباب ، بارد !

رايح أنا .. ولا تسأليني على وين ..
منّي لك أقرَب صار " كوكب عطارد " !



مخرج :

بعد لا تنطق بكلمه ولا تورّيني : [ برهانك ] ،
يا خوفي تغلط بـ إسمي وتزوّد ثورة أحزاني
أنا ملّيت أطوّف لك وأقول المخطي لسانك ..
بغيّر إسمي من : أحمد ، إلى : مجنونك الثاني


دهن عود

هذي الرساله لك من القلب للقلب
عسى دروبك .. تمتلي ( خير و ورود )
غيّرت إسمك ياحبيبي من : الحب
خلّيته ، غير الناس كلْهُم [ دهن عود ]








[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

:

بخير عايش و أحمد اللـه ~ طيّب ،
__________ من وقت مازارتني أحلامي السود . .

يرعبني < كابوس > الفراق ، ويهيّب . .
__________ أصحى ألتفت . . وأتمنى ألقاك موجود !

إنت [ المدينه ] في عيون الغريّب . .
__________ ولما أشوفك فرحتي مالها حدود !

ليتك مثل ما < غبت عني > تأيّب ،
__________ لأني وعدت القلب - أيام و تعود .

أخاف راسك من غيابك " يشيّب " . .
__________ تعال لي ، وكلّي لك سهود ومهود .

مو كل [ قريّب ] ياحبيبي .. قريّب :
__________ عندي على ماأقول إثبات وشهود !

منت الحبيب الأوّلي يا { حبيّب } ،
__________ لكن ~ أحس القلب ، مجنون بك زود . .

خيّب ظنون " العاذل " | ولا تخيّب
__________ ظنّي | وأنا اللي فيك بالحيل محسود .

حُبك تعتّق داخلي وصار ( طيّب ) . .
__________ وتلومني إن قلت لك يا [ دهن عود ] !


عسى ما زعلتك البارح

عسى ما ازعلتك البارح وزودت الجراح جراح
عسى مامرت الدمعه على اهدابك من اسبابي؟



جرحتك من كثر شوقي وخليت الكلام رماح
ولا ادري شلون ياعمري طعنتك حيـل بعتابـي



بدون شعور صدقني ترى كثر الغـلا ذبـاح
تعال وشوف بغيابك غـلاك شلـون سوابـي




حرام تغيب من عمري وتعطيني الفراق وشاح
حرام الدمع في عيني مناديلـه هـي أهدابـي



غيابك يشغل عيون الزوايا وأمتلـي أشبـاح
وأنا أنثر صوتك بقلب المكان وأشعـل أبوابـي




تلفت للأمل دام الرجا في عمـري الملـواح
أناديلك ولو شرهة وصولك يقطـع أعصابـي



أبيك الجاي من عمري أنا مابيك شـي وراح
مدامك أجمـل وأخـر مدامـك أول أحبابـي




أحبك يا بعد عمر الحزن والجرح والأفـراح
أحبك كثر ما نامت عيونـك داخـل أهدابـي










قصتي قِصَه مُفيـده وقِلتْ : أكتبْهَا بسطور
ويا عسى مِن كانْ يقرى مِنَّهَا .. ياخِذ عِبَر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر

عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر

تِختصر مَعنى حياتِكْ كيف تبني لِكْ قصور!
أحْتِــــرم رايك ..
وهذي تُعتبَــر
..... ( وجهَــة نظر ) !

زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟

حَدِّث العاقِلْ بمَا يُعقَل ..وفي قلبٍ جَسُور
وإنْ خطيت بحق غيرك روح قدِّم له عذر

رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "

وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر

ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر

لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!

مِثلِكْ أوَّلْ كان حَالي وضِيقتي ونفس الشعور
كِنت أقول : شمعنى قلبي في مشاريعَه خسر

ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب ( القمر )

وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!

كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر

لا تقول: أعيش يُومي دامي في عمر الزهور
منت ضامِنْ عُمركْ الباقي .. وقَطَّافْ الزهَر

قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر

مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!

ياما قالوا الناس : خايف
وقلت : ما فيني قصور
بَسْ شِفتْ إنَّ الشَّجَاعَه مَعنى ثاني للخطر

إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر

وللشجر إن شفت هامه هذا مِنْ طيب الجذور
يعني أعمالك جذورك هذي هـي بالمختصر

القضيه: ما هِـي شخصٍ خالِفَـه شِرطي المرور
البشر في الدنيا هذي . . . صَار , ياكِلْهَا بشر






خربوك

ياحادي الحلم .. .
عندي مانقص [ قدرك ] ،
في البال تبقى /
وهـ النسيان ..
مو حولك !

لازلت واقف بـ وجه الريح ..
و ( أنتظرك ) ،
لو كنت عايش شعوري ؟
طحت ،
من .. . طولك !


إفترقنا ..
وإنقطع حتى السلام !
إنت متغيّر علي من ..
جيتهم ،
أدري مو منّك حبيبي هـ الكلام
[ خرّبوك ] !
الله يخْرِبْ بيتهم :
من يفسر حلم تاليه " الخصام " ؟
ليتني مانمت .. .
وإلا ليتهم !
طيّحوك شلون من عيني ؟
- حرام ..
كل جروحي النايمه /
صحّيتهم !
السما صدري يا أسراب الحمام ..
يا حسافه .. طرت ،
من طرّيتهم !
ألفظ أنفاسي ..
ويخنقني [ ملام ] :
هم هذول !
إللي علي بدّيتهم ؟
السنين عجاف وأيامي ~ سقام ..
________ و الدموع [ تطيح ] ما ردّيتهم ،
كان حلمي .. لابس ثياب الظلام /
________ وأدري مو واقع .. . وما حبّيتهم !

كان حلمي .. طفل في حزة فطام ،
________ وداخلي أشياء لك .. خلّيتهم !
كان حلمي .. إنك تخون الغرام !
________ وإللي أكره [ طبعهم ] ، أغليتهم !
كان حلمي .. يوم عن مليون عام :
________ والثواني < تشِيب > لو / عدّيتهم ..

كان حلمي .. فيك يا عالي المقام ،
________ وقمت أخاف الحلم يخْرِبْ بيتهم !
كل من بـ قلبه شقى الليله ينام ،
________ إلا أنا .. عيوني عليك ~ أبكيتهم .



إنت إيدك " كريمه " ماترد الطعون /
وآنا قلبي يردد ... { المسامح كريم } :
تدري ماكنت أحاتي لاتطيح العيون ،
خوفي لاتطيح منْها إنتْ والله العظيم !


دارت الدنيا وتبيني [ أعذرك ] !
__________ نامت عيوني وعينك > ساهره



إنت لي ماضي ومابي .. أذكرك
__________ و الغلط وياك ... ماني مكرره


قلت لك إحذر غرورك يكسرك
__________ ومن يحبّك واجب إنك تقَدّره


قبل لا تفكّر تهاجر بـ أهجرك
__________ وعدّني غيمة حنان .. مهاجره


مثل ماجَمّعتك أقدر[ أ ن ث ر ك ]
__________ يعني راسك لو رفعته أكسسسره


كنت لك مثل المواني ~ أنطرك
__________ لين طاحت من عيوني الباخره


لا تظن أبكي عليك وأخسرك
__________ إللي مثلك ( لازم ) إني أخسره


يا القليل الباقي طاحوا أكثرك !
__________ في بحر - دمع العيون - الطاهره


أبقى أكبر شخص مر بـ ناظرك
__________ وتبقى أصغر <~ من نويت أكبّره


في فراقك ماحزنت آآبشرك :
__________ وكانت الفرحه معاك مسافره !


كيف ألوّح لك وأجبُر خاطرك
__________ وإنت إحساسي مكسّر خاطره


أشكر أعدائي كثير ~ و أشكرك
__________ من سبايبكم .. فقدت الذاكره ..


دارت الدنيا وتبيني [ أذكرك ] !!
__________ شفت منّك خير لأجل أتذكره ؟


إكتب الشطر الأخير بـ دفترك ،
__________ القلوب البيض .. جداً نادره

[@الحبيني@]

مشكووووووووه

[دمعة مجروح]

الحبيني

العفووو ومشكور عالمرور

[فهد ناصر الهدلاني]

صح السآنك ويعطيك الف عافيه

[دمعة مجروح]

صافي النوايا ....

تسلم عالمرور