من يوم شفتك طاح دمعي وإنتثر = وأزريت لاخفّي دموعي وإستخير
حاولت إضم الدمع لاكّنه حدر = من يوم ماصديت ماعيّنت خير
ماكنت أحْسب اليوم من عقبك .. شهر = وماكنت أحْسب الوقت في قربك قصير
يالغايب اللي في غيابك إنتظر = تعال فرّح قلب من صدك كسير
في غيبتك أحاول أدوّر عذر = بين الليال السود والظرف العسير
والشوق غيمه من على خدي مطر = يرسم ملامح لهفتي واللي يصير
لاهبت الذكرى وأنا بين البشر = إنساق مع ذكراك .. والجرح الكبير
تاخذني الذكرى على ليل السهر = وإراجع الاشواق في بحر ٍ غزير
تركتني ما بين ضيقات وكدر = وأنا شهر أخايلك لاكّن مير
يمكن في يوم الشوق في بالك يمر = لمواصلي تشتاق من بعد الهجير
ماعاد أنا قاوي على حمل الهجر = من يوم ماصديت انا ماني بخير
ماكنت احسب ان الغياب إبلا عذر = يا لين طاح الدمع من ... فرقا عشير
(( الــجـــرح الــكــبـــيـــر ))
( تقرير عن مشاركة مخالفة ) ، و الموجودة أسفل كل مشاركة .