مالك شبيهن بالخلايق احلّي ***ومكمّلن زينك بعد خف دمّك ( جديد )

[سعد البطيان العازمي]

السلام عليكم وصبحكم الله بالخير0 وامل ان تحوز على رضاكم

لاشفت زولك قمت ارحّب واهلّي=لو ممسك اعصابي لصدري اضمّك
مالك شبيهن بالخلايق احلّي=ومكمّلن زينك بعد خف دمّك
وزولك جميلن يالغضي مايملّي=وجهك كما بدرن محلّيه فمّك
انته تسلّيني وانالك اسلّي=لاكثرة همومي والى زاد همّك
لوينصحوني عنك انا اقول طلّي=اركد حبيب القلب لاحدن يهمّك
انته حبيب القلب وانته هللّي=يامعربن من بين خالك وعمّك
هذا كلام الصدق مافيه زلّي=مانيب لعّابن ولانيب انمّك
واختامها ابطلب الله واصلّي=يحماك من ناسن حقوده تذمّك

وسلامتكم اخواني الكرام وردة كلمة انمك في قافية البيت ماقبل الاخير
والنمّاك هو النصّاب للايضاح فقط والمعذره بالقصور