كل ماتارد هجوسي مع الليل الطويل=أنت مدري ويش علمك على بالي طريت؟
حي كل طاري يجيبك وحيه من خليل=باقيه ذكراك في عالمي مهما حييت
بيني وبينك مواثيق يالطرف الكحيل=الغلا والود والشوق لك مهما حكيت
أنت تدري مثل مادري ولاتبغى دليل=شوفني يضمى كياني ليامني رويت.!؟
أنت مالك بالحلا لاشبيه ولامثيل=القمر لاشع بالضي يانجمة طفيت
في وصالك مثل شوف الحيا قلبي عليل=ينشرح صدري اذا شافتك عيني لفيت
في غيابك ليل موحش عقب وقت الأصيل=كن مافيها حلا عقبكم أرض الكويت.؟!
في محيط الفكر مابين حط وبين شيل=أنتهي من بيت وأبدا معك في سرد بيت
كن مافيها حلا عقبكم أرض الكويت.؟!
( تقرير عن مشاركة مخالفة ) ، و الموجودة أسفل كل مشاركة .