،،
،،
،،
والله إني ف/الهوى ماني بخير = من غرام اللي وصاله ( وات ساب )
وأحد ٍ ف/الحب ماعنده ضمير = لين وردّني على جال العذاب
لاتقول الحب لايمكن يصير = في سؤالك شفت من حبك ( جواب )
الدليل الحب في قلب الضرير = والمشاعر مايجي فيها عتاب
جيت مثل الخير . من حظ الفقير = عاش عمره بين ( ضيقه وأكتئاب )
وأبديتك حلم ( تحقيق المصير ) = وعشت حبك لذة ( أحلام الشباب )
أعشقك . وأغليك ياريح العبير = في حضورك باقي العالم ( غياب )
مابغيت ( الغير ) لو حبه غدير = مابغيته ( أنت ) لو حبك ( سراب )
والمحب ف/الحب ماهو يستشير = في ( عيونه ) الحكي مثل الضباب
لاتبهذلني . وأنا قدري كبير = صاحبك يرخص على شانك رقاب
ماشكى وقته ولو ولع سعير = محتزم ف/الصبر . والعزه زهاب
ودامي أخترتك وخليتك عشير = لاتعذب قلب من ( صدتكْ ) ذاب
لاتقول الحب لايمكن يصير = والوصل بيني وبينك ( وات ساب )
(( وات سـاب ))
( تقرير عن مشاركة مخالفة ) ، و الموجودة أسفل كل مشاركة .