هالحين توه بان خافي حنينك.؟=عقب ثلاث اسنين راحن . . ورديت.؟
وينك من أول.؟ ليه دمعات عينك.؟=لاوحسافة توك اليوم حسيت.؟
تشفق على لاماي.؟ الله يعينك=مات الغرام ومابقى الا تناهيت
ناديت وينك.؟ والصدى رد وينك.؟=ظليت أنادي والصدى رد مليييت.؟!
تحسب خفوقي لعبةٍٍ في يدينك.؟=تسرح وتمرح في مزاجك تماديت
عهد الوصل مادام بيني وبينك=أنت السبب ماصار في كيت مع كيت
والبعد لامن طال خله يقينك=يقضي على حبٍ بنيته وهديت
عقب المعزة والغلا بايعينك=بأردى ثمن / ياغلطتي يوم حبيت
مابيك تذكرنا ولاذاكرينك=أرحل ولاكنك على البال مريت
والله مايشفع دلالك وزينك=أنا ليا من قلت صديت . . . صديت
مات الغرام
( تقرير عن مشاركة مخالفة ) ، و الموجودة أسفل كل مشاركة .