الشعر عزيته علي حاضرٍ ٍ فات=وشكرت ماقاله وقفت اظعونـه
ياليت كلمة ليت ترجع باالاموات=حتي يحصـل مايبيـه وتبونـه
بنت الزناتي تفتخر بالسجـلات=في وقت عصرٍ ٍ جاب ماترغبونه
شعر المحبه والشيم والمـروات=شافت رجال الشعر دمعة عيونه
شعر:نايف سعود الدريويش
المجاراة للأبيات:
هذاك عصرٍٍ ٍ زل هيهات. . .هيهات=يرجع مثل ماكان شكلة ولونه
تبقى القصايد خالدة والروايات=ورثِ ٍ لشّعار النبط يحفظونه
والشعر يانايف من الله وهبات=قليل من بالمعرفة يصقلونه
أحدٍ قوافيّه لك الله جزلات=وموضوع جيد والملا يشكرونه
وأحدٍ لك الله ضايعٍ في متاهات=ليت الخطأ ياصاحبي يصلحونه
لو جيت فتشت القوافي ركيكات=مختل ميزانه وكسر لحونه
بلا هدف بلا معاني غزيرات=بلا فكر ولا العرب يفهمونه
مافاد تعليمه ولافيه حيلات=ماطاوع العقال لو ينصحونه
لو للشعر قانون نطرح قضيات=والحكم عاجل بالعدل ينطقونه
نسلم ويسلم من جميع المغثات=ونقول (ديوان العرب) تحشمونه
أقولها وأراقب الوضع باسكات=الشعر بعض الناس مايرحمونه
ديوان العرب . . مجاراة لأبيات الاخ العزيز نايف سعود الدريويش
( تقرير عن مشاركة مخالفة ) ، و الموجودة أسفل كل مشاركة .