،،
،،
،،
يحن قلب العنا في . لذة النوم = وأقوم مابين دمعات ٍ وضيقه
ولو المشاعر تبوح بشي مكتوم = يمكن مامات مشاعرنا الرقيقه
هذي ثلاثة شهور ٍ منْك محروم = ومواصلك حلم والفرقا حقيقه . !
خليتني في غيابك شخص مهموم = وحملتني منْك في مالا أطيقه
تعال أعلمك وش باقي من علوم = وأسمع معاتب (عشيق ٍ في عشيقه )
البعد نار المولع . والوصل لوم = وأنا معك . واللقا يبغى طريقه !
صار الرجا باللقا . صدفات وحلوم = وأكبر طموحي أشوفك لو دقيقه ؟
وأنا من اللي حصل للحين مصدوم = وشلون مات الامل مابل ريقه !
أذكرك تكره غيابي عنْك لو يوم ؟ = عندك وجودي كفى كل الخليقه !
وأذكر تقول .الهوى والحب مقسوم = من تحت نار الغلا يغلي بريقه
وأذكر في بسمتك تجليّ عني هموم = علاقة أحساسنا جداّ وثيقه
أنته لحالك في كوم ٍ والعرب كوم = لو جيّتك حلم والفرقا حقيقه !
(( مواصلك حلم والفرقا حقيقه ))
( تقرير عن مشاركة مخالفة ) ، و الموجودة أسفل كل مشاركة .