،،
،،
،،
أصدق شعور القلب لو كان يعنيك = ماضاع من جور الزمان . أمنياتي ؟
حتى دموعي يوم مامر طاريك = أخفيتها من خوف . تشمت عداتي
لاصار غيري شخص يسكن بـ/اراضيك = وشلون تسكن بين قلبي وذاتي ؟
والوقت لو يعطيك ماراح يعطيك = أحدن من العالم . يسوي سواتي !
ياما كتبتك في قصيدي وأغنيك = وأن غبت عني لو ثواني أحاتي .!
وياما على شاط الوصل في موانيك = ترسي مراكيب الهوى ياغناتي
تعال شفني لاتذكرت ماضيك = وشلون عقبك صرت عايش حياتي ؟
خطاك ماتفهم وش شعور مغليك = وأنا خطاي اللي معك في . سكاتي !
أسمع صدى صوت المشاعر تناديك = خايف بعد ( فرقاك ) أعلن وفاتي
سويت لك أشياء من شان ترضيك = وأكبر جروحي منك . صارت جزاتي
والمشكله أحلام عمري بـ/أبياديك = صار العزا فيها على ذكرياتي
أبيك تسمع في معاني محاكيك = وأبيك ماتخلّف وتحفظ وصاتي
(( يـســوي سـواتــي ))
( تقرير عن مشاركة مخالفة ) ، و الموجودة أسفل كل مشاركة .