السلام عليكم ورحمه الله وبركاته
يقووول
الله على سود الليالي وجورها = تطوي على النفس العذيه سروورها
البارحه صدري همومه تخمطه= في ساعةٍ غبرأ بطيًٍ مرورها
طار الكرا والعين سالت دموعها = وهذا جزا الاقدار لا دار دورهاا
هميً على صدري كما وارد الحيا = من مزنتٍ مث النوايف زبورها
ولو أحسب الايام وبكي خسايري = العين ذابت مابقى الا حجورها
من مدرسة دنياي مع ساير الملا = طبيت غبات(ن) تلاطم بحورها
تصافقت لمواج من دون غايتي =وكافحتها يالين لانت أعسورها
وأخذت لؤلؤها وسرًيت خاطري = من بعد ما كان الشق في قطورها
وأعرف مداخيل الحياه ومخارجي = من دنيًتن غرًه سريعٍ دبورها
ومن لا شقى بأول مباديه للعلا = يكبر ونفسه ما تلاشا حدورهاا
واللي يروم الجود فاللين والقسا = يصبر على صكات بقعه ودورها
من خلقة الدنيا بها الجود والوفى = واهل الوفى تذكْرً وهي في قبورها
ولاقسى من الدنيا سوى طعنة الخوي = منها دمي الناس يزداد فورها
ياحيً شلفة ذياب عن طعنة القفا = اللي كوًت كبدي سمايم حرورها
وانا عتبرته درس وآنبت ظامري = عن رفقة اللي غيًضها في صدورها
ناسٍ عسى الخلاق ياخذ أعمرها = اللي تخلاط بالتصاحيح زورهاا
ولاخير في رفقه مظامينها الدبش = ناسٍ مغايبهاا يشادي حضورها
الوقت هذا ماش شيًن يناسبه = حتا هل الطولات (( يجرح شعورها ))
من يوم بارت فالرفيق وتغيرت = السلعه اللي ماتوقعت بورهاا
بانت صناديقٍ البشر تكشف البشر = وعرفت صدق الناس وايقنت زورها
مير الحية أشعاد تسوى ليا لتوت = لابد نتركها ونترك قصورهاا
دنيا تقلبها كما لفحة الهوى = فيها الثعل يضحك ويندب نمورهاا
واهل الردا بتموت ما مات كيدها = يالله عسى كيد البشر في نحورها
بدري عليك العلم ياطارد االهوى = أرزاق طارت فالعوالي طيووورها
وانا عرفت العلم وآنبت ظامري = من دنيةٍ غره سريعٍ دبووورها
وسلامتكم 
(( سود الليالي )) ... جديد
( تقرير عن مشاركة مخالفة ) ، و الموجودة أسفل كل مشاركة .