السلام عليكم ورحمة الله وبركاته
ياهاجسي غن القصيد وعده
للي غلاهم فيّ وصل حده
الكل قدره في ضميري عالي
فهد وعبدالله وفالح بده
ابدي بفالح وان ذكرته اذكر
الحكمه والراي السديد برده
وقت الملاقا سل سيفه واجه
يهاب من عاداه ووقف ضده
وان قلت عبدالله وطيب العالم
ماخوذ من طبعه ومدة يده
ما كنه الا المزنه الصبابه
تعطي ولا ترجي وراها مده
والشاعر الضرغام راع الغنما
مثل البحر في جزره وفي مده
لا قيل من هو قلت مابه مثله
فهد بعيد الشوف شامخ مجده
ياكثر ما لجه بشور ابياتي
وياوسع صدره ماعطاني صده
الطيب باهل الطيب ماهو ضايع
واللي زرع زرعه بيجني حصده
لا شك حنا اخوان ياخو هويّا
والشكر للي كلبونا نحمده
يا هاجسي غن القصيد وعده
( تقرير عن مشاركة مخالفة ) ، و الموجودة أسفل كل مشاركة .