قصيدة بن فطيس للنقد لأختلال قافيتها

[الغلا ذباح]

اقتباس: المشاركة الأصلية كتبت بواسطة عبدالله بن الشقرا    انا من رائيي ان القصيده ماجت على حرفين جت على اربع حروف اللي هي الالف والكاف زالام والهاء (( اكله)) ولو جزات الكلمه لنقص الوزن وابن فطيس شاعر واتقن ما القاه وهذه وجهت نظري وفيه من هم افضل مني ونتعلم منهم وشكراً على هذا الموضوع واتمنا من الاداره ازالت رد صوت الشقاوي لما فيه من تجريح لشخص الشاعر والاسائه لسمعه النقد والمنتدى بهذا الرد المخزي وشكراً

الغالي

عبدالله بن الشقرا

مرحبابك يالسنافي

اولا ً اشكرك كل الشطر لطلب الاداره شطب رد صوت الشقاوي

كما اشكر الاداره على سرعة تجاوبها وشطب رده

ثانيا ً

القافيه لا نختلف انها على اربع حروف

ولكن اختلافنا على كلمة القافيه اللي هي وداك الكلمه الصحيحه

اما كلمة له فهو حرف للمخاطبه بالاساس وقد ادخله بالقصيده لاستقامة الوزن

ولكن القافيه الصحيحه هي وداك آآك ولكن الاختلاف هنا

على القافيه ببعض الكلمات

لانك لو ارجع الكلمه لمعناها الصحيح لتبيّن عندك الخلل

وداكله الكلمه الصحيحه وداك مشاكله الكلمه الصحيحه مشاكل

لاحظ هنا اختلال القافيه

اتمنى ان اكون وضحت المقصد

اما شاعريته لا نختلف عليها وخلافنا على قافية العجز فقط

[الغلا ذباح]

اقتباس: المشاركة الأصلية كتبت بواسطة عبدالرحمن بن سلمى    ولا لك الا الصبـر .. وش وداك لـه دام هالشطر له اجل القصيده جزلّه الغلا ذباح مرحباً بك القصيده كانها على آك او آكله كل الطرق تؤدي على روما والشعّار كان كبيرهم وصغيرهم ادلوا بدلوهم بهالقصيده وحنا بهالمنتدى أنخاف ان النحل لا ياكلك على هالأنتقاداة الصعبه والله لا يقطنا بيدك دمت كما تحب

الغالي

عبدالرحمن بن سلمى

ياهلابك يالسنافي نورت الصفحه بوجودك


القصيده ما نختلف على جزالة معناها

وحنا نتكلم عن اختلال القافيه بالعجز ولم نتكلم عن معناها

وانت احد الشعار الذين ننتظر مشاركتهم بخصوص القافيه والاستفاده من وجهات النظر

[سالم الربيعي]

وعليكم السلام
اخوي الغلا ذباح
مساك الله بالخير اولا وصراحه موضوعك جميل ونحب نستفيد من النقد بعكس ماقال اخوي جراح اللي فهمك غلط
والنقد وارد لشاعر الكبير والصغير ومافيها اي شي اذا الشاعر انتقدوه
ولاكن النقد بالشعر بصراحه مثل هالقصائد ماقدر احكم عليها لاني لست بناقد شعري ولاكني شاعر ومن ناحيتي نظري للقصيده انها سليمه ميه ميه
ولاكن يمكن يطلع كلامك صحيح اخوي الغلا ذباتح ليش لاء
في شعار كبار اخطوء والخطاء وارد
ولاكن اتمنا من الردود ان تكون واضحه من نقاد شعر معروفين
ياشباب لاحد يعلق بكيفه
الرجاء نريد الاستفاده
اللي يبي يعلق يذكر لنا بحر القصيده
ومشد الصدر الذي انتقد به الغلا ذباح القصيده وشكرا
تقبل مروري
اخوك سالم الربيعي

[عايض الهدلاني]

ملاحظه


وزن قصيدة ابن فطيس هي


ما يسمى بتام الرمل


وتفعيلاته هي


فاعلاتن فاعلاتن فاعلات



وتقبلوا تحيااااتي

[سحايب العازمي]

الغلا ذباح

السلام عليكم ورحمة الله

اخوي انا باعتقادي ان القصيده سليمه ولا يوجد بها مايعيبها من نحيت الوازن والقافيه

ولاكن أ قراء القصيده بصوره الصحيحه

والنقد بمثل هذي القصيده من الخطاء الفاتح لك

مني جزيل الشكر والتقدير

والاكن ربماء ان وجهت نظرك بمكانها

[خالد بن سكران]

ارحبوووووووووووووووا جميعاااااااااااا

ولاهنت يا الغلا ذباح على الموضوع

وانا رايي التواضع ان القصيده مابها شي من جميع النواحى والشاعر بن فطيس شاعر وجزل ومايخفى عليه القافيه

والشاعر ثبت العجر على اربع احرف الاف والكاف واللام والهاء وهذا اساس القافيه ولا يدخل شي من ناحيه المخاطبه لأن القصيده وزن وقافيه ومعنا واظن كل هذى الاشياء موجوده بالقصيده

والقصيده جزله ووافيه ومافيها شي


هذا رايي المتواضع والسموحه على الاطاله

اخوكم خالد بن سكران

[فيصل الحجيلان]

ياخوي محمد ماقالها الا قدام لجنه ولو ان فيها شي تكلموو


لاكن محمد بن فطيس مايبيله نقد


البيت لونه مكسور منه بيطلع حلووو



وتقبل مروري

[جاسم محمد]

لاهنت ياخوي على الموضوع الجيد


ولاكن انا اشوف انه مافيها شي بالمره


والقوافي هذي عادي ولا فيها شي ولا تركز على محمد بن فطيس وحده لانه تكثر عليه الانتقادات لانه اخذ المليون ويساهله بكل جداره



وكثير من الشعراء سوو مثله

مثال : القايله و اخايله @@ الراي له و عساي له


وخالد المرخي له قافيه اللي حي قلك مثال اصفقلك وهي تكون اصفق لك


وهذي عاديه ولا فيها شي


واللجنه فيها دكتور بالشعر اللي هو الدكتور غسان ولا تكلم فيها ولا قال شي


وشاكرلك على الموضوع الجيد

[الغلا ذباح]

اقتباس: المشاركة الأصلية كتبت بواسطة هداج تيما    بسم الله الرحمن الرحيم اخي الغلا ذباح اشكرك للتطرق لباب من ابواب الادب المهم الا وهو النقد بالنسبه طال عمرك للشاعر بن فطيس اعتقد من وجهة نظري انه شاعر متمكن وداهيه واكبر دليل هذه القصيده الذي الزم نفسه بما لا يلزم في قافيته فالشاعر يلزم نفسه بالقاف بعد البيت الثاني وهذا هو المعروف اذن ابن فطيس الزم نفسه ب((آكله)) من متابعتي لموضوعك وتعقيب الاخوان وردودك لاحظت انك ركزت على ان حكاك كلمه وله كلمه وانا اتفق معك ....لكن من وجهة نظري ووما هو متعارف حول القافيه في الشعر الشعبي ان هناك ما يسمى ((بالقافيه السماعيه)) ومحمد ابن فطيس اعتمد هذه الطريقه لكن تعال معاي نعرف ماذا تسمى احرف القاف لديه بالعجز احكاك له ,وداك له , شواكله......الخ يسمى حرف الالف هنا حرف تاسيس للقاف وحرف الكاف يسمى حرف رديف وحرف اللام وهو الحرف المهم هو حرف الروي والهاء وهو حرف الخروج هناك الكثير من الادباء والشعراء الذين يرفضون له وبه ان تكون قافيه للقصيده لكن بوجود القاف السماعي اعتقد انه يجوز للشاعر ولو انه الزم نفسه بشي كان ممكن ان يستغني عنه لكن كوضع محمد بن فطيس مشارك بمسابقه كبرى اعتقد انه اراد ان يقدم شي يلفت النظر مع احكامه وتمكنه وهذا ما حصل بالفعل وتقبل تحيااااتي وتقديري

اخوي الغالي

هداج تيما

مرحبابك ومرحبا بمداخلتك المثمره

والاختلاق بالراي لا يفسد للود قضيه

وما النقد الا للاستفاده

فأنا اوافقك الراي ان اللام والهاء الذين ادخلهما بن فطيس بالقافيه السماعيه

او كما يقولون كبار النقاد الوتر الموسيقي لإستقامة الوزن بالقصيده

وخلافنا هو على القافيه الاصليه للقصيده والتي هي آآك

اما التزامه بها فأنا من وجهة نظري انه لم يلتزم بالقافيه

والدليل ادخاله لكلمات مشاكله وياكله فالاصل من الكلمه هي

مشاكل و ياكل فأصبحت قافية الكلمات هي آآكل وزاد عليها الهاء للمخاطبه واستقامة الوزن

فنرى هنا اخي العزيز ان القصيده مختله من ناحية القافيه

فأغلب قافية القصيده والتي بنى عليها الشطر الثاني بالبيت الاول آآك

وثم نراه قد ادخل عليها قافيه اخرى وهي آآكل دون ان يلاحظ هو اختلافها

وقد تناقشت مع عدد من الشعراء والنقاد بخصوص القافيه الثابته والاوتار الموسيقيه

فقالوا كما قلت ان اصل القافيه هي اخر حروف الكلمه اما الحروف التي تردفها

فهي ليست ضمن القافيه ولكن يجوز ادخالها لإستقامة الوزن من الكسر

[الغلا ذباح]

اقتباس: المشاركة الأصلية كتبت بواسطة سالم الربيعي    وعليكم السلام اخوي الغلا ذباح مساك الله بالخير اولا وصراحه موضوعك جميل ونحب نستفيد من النقد بعكس ماقال اخوي جراح اللي فهمك غلط والنقد وارد لشاعر الكبير والصغير ومافيها اي شي اذا الشاعر انتقدوه ولاكن النقد بالشعر بصراحه مثل هالقصائد ماقدر احكم عليها لاني لست بناقد شعري ولاكني شاعر ومن ناحيتي نظري للقصيده انها سليمه ميه ميه ولاكن يمكن يطلع كلامك صحيح اخوي الغلا ذباتح ليش لاء في شعار كبار اخطوء والخطاء وارد ولاكن اتمنا من الردود ان تكون واضحه من نقاد شعر معروفين ياشباب لاحد يعلق بكيفه الرجاء نريد الاستفاده اللي يبي يعلق يذكر لنا بحر القصيده ومشد الصدر الذي انتقد به الغلا ذباح القصيده وشكرا تقبل مروري اخوك سالم الربيعي

الغالي

سالم الربيعي

مرحبابك يالسنافي واشكرك على مداخلتك الحلوه

واتمنى من الاخوان الشعراء او الشاعرات الذين لا يفرقون بين الوزن او القافيه

المتابعه والاستفاده لاني بصراحه شفت بعض الاخوان يتكلم عن شخص صاحب القصيده

وكأننا نطعن بصاحب القصيده ؟؟ والبعض يتكلم عن وزن القصيده وكأننا نقول انها مكسوره

فالموضوع هو اختلال بقافية العجز ومن لا يعرف ما نتكلم عنه فليسكت ويتابع ليستفيد

واتمنى ان ارى شعراء بصراحة سالم الربيعي الذي لا يقحم نفسه بما لايعرفه

وشاكر لك اخوي سالم ولاهنت