السلام عليكم اخي الغلا ذباح سوف ابين لك القصيده حسب ما انت تريد وارجو ان تكون واضحه
بعض العرب حبـه يـوردك الجنـون
ولا يوصف لـه غـلاه احكـاكلـه
مايقنعه وصف الغلا لـو وش يكـون
لو كل حـرفٍ بالحريـر يحـاكلـه
الموت جـاك وهـو تقلبـه الضنـون
ولا لك الا الصبر....وش وداكلـه؟
ان قلت ضايق..قال : هونهـا تهـون
مايدري ان ضيقتك لـه وبكـاكلـه
تقعد تحبه وانـت ساكـت ومغبـون
يمكن بيوم يقال لـه مـا اوفـاكلـه
وكانك مشكك هو يمون .. او ما يمون
تخيّل ان عفـت الصبـر فرقـاكلـه
غلاه من فـوق الغـلا ماهـو بـدون
وحكاه سمعك يجبـرك بارخـاكلـه
ودك تحطـه فالعيـون مـن العيـون
وتبسط على رمضى الثرا يمنـاكلـه
وتظله من الشمس في ظـل الجفـون
ولا يمـر اذنـه سـوا لبـاكلــه
وتسج مـن غيـره لونهـم يذكـرون
ومنين ما سجت القـدم ممشـاكلـه
غرو ٍ يميله التـرف ميـل الغصـون
غصن ٍ ليـان ومكرمـه بسقـاكلـه
جديله الى اقفى ستـر منـه المتـون
كنّـي بريحـه لالتفـت لدعـاكلـه
كيك وعسل لكن ماهو فـي صحـون
ودعاك من عين الحسود اغطـاكلـه
الله لا يعطـيـه نــاسٍ ينضـلـون
ويستر عليـه مـن النحـل لا ياكلـه
الوصف والتعبير في وصفـه يخـون
غير اطلب الله يستجيب ادعـاكلـه
وعذال قلبـك فـي محبتـه يهبـون
سكينهـم عـن قطـع حبلـه حاكلـه
ناس ٍ عن اعراض العرب ما يعرضون
ودايم على نفـس الشكـل والشاكلـه
اللـي مـن لحـوم الاوادم ياكـلـون
وحلوقهـم دافـع الـبـلا متواكـلـه
فـي سلمهـم اولا بالاكـل الاقربـون
واطيبهم اللـي صيدتـه شكـواكلـه
يدعيهـم الشيطـان للذنـب ويجـون
هـذا يقـطـع لــه وذاك يواكـلـه
يا جعلهم فدوة ثـر الغـض الفتـون
اللي على الدرب الطويل اخطـاكلـه
طيفه الى نـام البشـر زارك بهـون
وطيفك الى نـام البشـر سـرّاكلـه
حبه دفان ومقبـرة خضـر الطعـون
بيـن العظـام العـوج كنـك ناكـلـه
اللي كذا حبـه لـو تمـوت مغبـون
ولا لك الا الصبـر .. وش وداكلـه
هذا القصيده بعد ما جمعنا في قافية العجز أأك وله جميعا واصبحت وداكله او ادعاكله
هل تكون القصيده سليمه هاكذا في وجهة نظرك ؟؟؟؟ ارجو الرد لكي اكمل معك المشووار
واما القصيده فهي من اجزل القصايد واطيبها معنى واجزلها قافيه وشكرا لك
اخوك في الله متميز